تصدر الفنان إدوارد التريند، بعد الكشف عن إصابته بمرض السرطان وخضوعه لعملية استئصال الكلية اليمنى، خلال استضافته ببرنامج “صاحبة السعادة” مع الفنانة والإعلامية إسعاد يونس.
إدوارد يكشف عن حالته الصحية
قال إدوارد: “أنا مريت بأسوأ شهور حياتي، بدأت لما المخرج محمد سامي طلب مني أعمل تغيير في شكلي عشان شخصية جديدة، ولجأت لحقن تخسيس ونزلت 15 كيلو، لكن بعدها بشهرين بدأت أعاني من تعب شديد في المعدة”.
وتابع إدوارد: “الكلمة دي تخض.. مش قادر أوصف إحساسي، كنت بعيط لوحدي كل يوم ومخبي عن أولادي، وقلت لمراتي بس”.
وأضاف إدوارد: “الضغط اللي كنت فيه جابلي جلطة في القلب، وعملت قسطرة وركبت 3 دعامات، وبرضه تاني يوم روحت أصور حلقة البرنامج كأن مافيش حاجة”.
وأشار إدوارد إلى أنه خضع للجراحة في يناير الماضي، ووجه شكره لكل من وقف بجانبه، وعلى رأسهم مصطفى قمر، قائلًا: “بات معايا في المستشفى.. مش ممكن أنسى جدعنته، وكمان زارني السقا وباسم سمرة ومحمد سامي ومي عمر، عديت بكل ده.. بس كل ما أفتكر اللي حصل، بعيط وأتأثر.. شكرًا يا رب إنك كشفتها بدري".
