بيانات هامة من المركزي.. هدوء حذر في سوق الدهب.. ومصر تشارك في اجتماع بريكس - غاية السعودية
غاية السعودية يكتُب.. رصدت بانكير، خلال الساعات الأخيرة، عدد من الملفات على الساحة المحلية والعالمية، التي تم نشرها عبر منصاتها المختلفة، والتي يأتي من أبرزها، بيانات هامة من المركزي، وهدوء حذر في سوق الدهب، ومصر تشارك في اجتماع بريكس.
ونبدأ من سوق الصاغة.. أسعار الدهب في مصر النهاردة الحد 6 يوليو 2025 كانت مستقرة بشكل كبير في السوق المحلي والعالمي.
الجنيه الدهب وصل لحوالي 37640 جنيه من غير مصنعية.
وسعر الأوقية في البورصة العالمية سجل حوالي 3336 دولار.
تعالوا نشوف أسعار الدهب النهاردة بكل الأعيرة:
جرام الدهب عيار 24 سجل حوالي 5302 جنيه.
جرام الدهب عيار 22 وصل لـ4861 جنيه.
جرام الدهب عيار 21 سجل 4640 جنيه.
جرام الدهب عيار 18 وصل لـ3977 جنيه.
جرام الدهب عيار 14 بقى بـ3093 جنيه.
والجنيه الدهب زي ما قلنا حوالي 37640 جنيه.
نروح بعد كده لأحمد كجوك وزير المالية.. اللي قال إن من المهم جدًا إن دول مجموعة البريكس تتعاون مع كل الأطراف علشان تضمن استدامة ديون الدول الناشئة.
وأكد إن لازم كمان نسرّع أدوات التمويل المختلفة وأهمها مبادرات مبادلة الديون لكل الدول النامية.
الوزير قال الكلام ده في جلسة خاصة بمناقشة القضايا المالية باجتماع وزراء مالية ومحافظي البنوك المركزية لدول البريكس في البرازيل.
وقال كمان إننا بنتمنى نشوف بصمة قوية للبريكس في دعم الاقتصاديات الناشئة قدام التحديات العالمية
وأشار إن الإجراءات الأحادية بتضعف الثقة في النظام الاقتصادي العالمي وبتعطل التمويل التنموي.
كجوك كمان شدد على إن الدول النامية محتاجة توصل لتمويلات مناخية عادلة وبشكل أسرع.
وقال إن مصر ملتزمة بدعم تطوير نظام ضريبي دولي يكون أكثر عدالة عن طريق اتفاقية الأمم المتحدة الضريبية.
ونروح للبنك المركزي اللي أعلن في تقرير جديد ليه إنه تم تسوية 5.109 مليون عملية من خلال غرفة مقاصة الشيكات بالجنيه المصري.. وده بقيمة إجمالية وصلت لـ2.125 تريليون جنيه من أول يناير لحد يونيو 2025.
القيمة دي كانت موزعة كده:
يناير: 345.276 مليار جنيه.
فبراير: 335.750 مليار جنيه.
مارس: 357.488 مليار جنيه.
إبريل: 354.253 مليار جنيه.
مايو: 370.636 مليار جنيه.
يونيو: 361.997 مليار جنيه.
البنك المركزي هو اللي بيدير ويشغّل نظام مقاصة الشيكات حاليًا للجنيه المصري والدولار واليورو جوه مصر
وبيشرف على العمليات دي وينظمها ويحل أي مشاكل فيها.. وبيحدد صافي الأرصدة ويطبق أوامر التسوية على النظام اللحظي.
وبيتم تداول حوالي 50 ألف شيك في اليوم الواحد.
ونختم جولتنا بخبر من الهيئة القومية لسلامة الغذاء. الهيئة قالت إن مصر استقبلت حوالي 1710 رسالة غذائية بإجمالي 320 ألف طن.. والكمية دي تم استيرادها عن طريق 805 شركة.
والتقرير وضح إن الأصناف اللي دخلت شملت القمح وفول الصويا والزيوت بأنواعها.
وكانت روسيا على رأس الدول اللي صدرت لمصر الأسبوع اللي فات.. وبعدها أوكرانيا وأمريكا وأندونيسيا.
من ضمن 193 دولة صدّرت مواد غذائية للسوق المصري.
ميناء إسكندرية كان رقم واحد من حيث عدد الرسائل الغذائية اللي دخلت.. بـ610 رسالة.
بعده مطار القاهرة بـ310 رسالة
وبعدين ميناء بورسعيد بـ241 رسالة.
أما الإفراجات الجمركية.. فتم الإفراج عن 820 رسالة تحت التحفظ أو إفراج مؤقت.
و360 رسالة تانية تم الإفراج عنها ضمن نظام الإفراج السريع.
وفيه كمان 60 رسالة اتحرر لها محاضر إثبات حالة بناءً على قرارات لجنة التظلمات.
وخلال نفس الفترة.. الهيئة أصدرت 65 ترخيص استيراد لمستوردين جداد.
كُنا قد تحدثنا في خبر بيانات هامة من المركزي.. هدوء حذر في سوق الدهب.. ومصر تشارك في اجتماع بريكس - غاية السعودية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية السعودية الالكتروني.
