هو إزاي دولة زي مصر عندها ديون بالمليارات… ييجي صندوق النقد يقولك: "أيوه… مصر هتصفر كل ديونها قبل نهاية 2047"؟ وهل فعلًا هنصحى يوم ونلاقي الحكومة بتقولنا: مبقاش علينا ولا دولار دين؟ ومنين هنجيب كل العوايد اللي تسد أصل القروض وكمان الفوايد؟ وهل ده معناه إننا ماشيين على الطريق الصح… ولا ده مجرد تفاؤل سابق لأوانه؟
صندوق النقد الدولي أعلن بشكل رسمي إن مصر هتخلص سداد كل مديونياتها للصندوق أصل وفايدة قبل ما نوصل لسنة 2047… تحديدًا نهاية السنة المالية 2046/2047.. وده في تقرير المراجعة الأخيرة، اللي بيتابع أداء الاقتصاد المصري خطوة بخطوة.
طب إزاي؟ وليه الصندوق واثق في كده؟
أول حاجة… التقرير بيقول إن ديون مصر لصندوق النقد وصلت ذروتها في السنة المالية 2024/2025، ودي كانت أكتر سنة علينا التزامات… بحوالي 6.6 مليار دولار.. لكن من السنة اللي بعدها الرقم بيبدأ ينزل تدريجيا… لـ 3.7 مليار دولار في 2025/2026، وبعدها بينحدر لغاية ما يوصل في سنة 2047 إلى 92 مليون دولار بس.. وبعدها؟ ولا دولار واحد.. يعني فعليًا مصر على طريق سداد ديونها بالكامل.
" title="إزاي مصر هتتخصل من ديونها بعد 20 سنة .. مفاجأة صندوق النقد اللي قلبت الموازين" frameborder="0">
بس إزاي الحكومة ناوية تعمل ده؟
هنا نرجع لكلام الصندوق نفسه… اللي قال إن برنامج الإصلاح الاقتصادي المصري ماشي ضمن الإطار الزمني المحدد، وده هو المفتاح.. لأن الالتزام بالإصلاحات معناه استمرار تدفق التمويل الخارجي وتحقيق الاستقرار المالي والأهم خفض الاعتماد على الاقتراض.
مصر دلوقتي بتركز على 5 مصادر أساسية عشان تحقق "دخل دولاري" يموّل احتياجاتها ويدفع ديونها أهمهم الصادرات وبيتم دعمها وفتح أسواق جديدة.. والسياحة ودي رجعت لمستويات قوية بعد أزمة كورونا.. وتحويلات المصريين بالخارج وبتشكل رافد مهم جدًا من العملات الأجنبية.. وكمان الاستثمار الأجنبي المباشر وده الحكومة بتحاول تجذبه بكل الطرق من خلال الطروحات وتعديل قوانين الاستثمار.. وقناة السويس ودي دايمًا مصدر ثابت للعملة الصعبة.
وفي نقطة تانية مهمة جدًا.. مصر بتقلل الاعتماد على القروض.. وبتحاول تعيد جدولة التزاماتها وتديرها بشكل منظم.. بحيث كل سنة تقدر تسدد من غير ما تعمل ضغط على الموازنة العامة.
في السنة اللي احنا فيها مثلًا.. صندوق النقد قال إن ديون الصندوق بتمثّل حوالي 12.2% من إجمالي إيرادات الدولة… وده رقم كبير.. لكن لما الرقم ده يبدأ ينزل كل سنة ده معناه إن في مجال أكتر للإنفاق على التعليم، الصحة، البنية التحتية… بدل ما الفلوس تروح للفوايد.
والأهم… الثقة.. لما الصندوق نفسه يقول إن مصر ماشية مظبوط… ده بيطمن باقي المستثمرين والدائنين، وبيفتح الباب قدام تمويلات بأسعار أقل، وده جزء من اللعبة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
