خطة جديدة من الكهرباء في رأس غارب لوقف واردات الغاز الطبيعي المسال من الخارج.. شوف اية الحكاية - غاية السعودية

غاية السعودية يكتُب.. مصر بدأت تشتغل صح وكل يوم الحكومة بتاخذ خطوة جديدة لتوفير فاتورة الدولارات اللي بتدفعها لاستيراد الغاز الطبيعي والمرة دي رأس غارب.. ياتري اية حكاية محطة رأس غارب.. وآية اللي بيحصل فيها علشان الحكومة توفر مليارات الدولارات منها.

مصر في المرحلة الجديدة بتعمل معجزة بكل المقاييس علشان توفر فاتورة الحكومة اتعودت تدفعها من سنين طويلة، والمرحلة دي الفاتورة اللي وفرتها الحكومة كانت جاية من إستيراد الغاز الطبيعي واللي الحكومة بتستورده من الخارج علشان تشتغل محطات توليد الكهرباء.

الفترة اللي فاتت الحكومة استهدفت مشاركة القطاع الخاص في محطات توليد وإنتاج الكهرباء، خصوصا أن مصر خلال الفترة اللي فاتت بتدفع ارقام كبيرة جدا لاستيراد الغاز الطبيعي والمازوت لتشغيل محطات توليد الكهرباء علشان ميحصلش ازمة جديدة في توفير التغذية الكهربائية ولا نرجع تطبق خطة تخفيف الأحمال وقطع الكهرباء اللي كان بيحصل علي كل المحافظات لمدد طويلة كانت بتوصل لساعتين وأكثر من بعض المناطق.

طيب اية حكاية الفاتورة اللي وفرتها الدولة من واردات الغاز الطبيعي ؟.
في الفترة اللي فاتت الحكومة فتحت الباب قدام القطاع الخاص علشان يشارك في إنتاج وتوليد الكهرباء من مصادر الطاقة الجديدة والمتجددة واللي هيا المحطات اللي الحكومة بتبنيها علشان تولد الكهرباء من طاقات الشمس والرياح، وفعلا في الفترة اللي فاتت الحكومة نجحت في إدخال أكثر من 2000 ميجاوات من الطاقات الجديدة والمتجددة واللي المحطات الجديدة اللي اتبنت في خلال السنتين اللي فاتوا باستثمارات وصلت لأكثر 2.3 مليار دولار وبتوفر في فاتورة مصر الاستيرادية من الغاز الطبيعي أكثر من 500 مليون دولار سنويا كانت الحكومة بتدفعهم كفاتورة سنوية لاستيراد الغاز الطبيعي من الخارج.

الجهود الكبيرة واللي الحكومة عملتها استهدفت دخول القطاع الخاص في مجالات إنتاج وتيولد الكهرباء من الشمس. الرياح، والحكومة بدأتها  بتعديل التشريعات اللي كانت بتمنع دخول القطاع الخاص في مجالات إنتاج وتوليد الكهرباء، وده اللي حصل وحاليا السوق المصري بقي في عدد كبير من الشركات اللي شغالة في مجالات توليد الكهرباء من الطاقة المتجددة سواء كانت شركات القطاع الخاص المحلي أو الدولي.

خلال الأيام اللي جاية الحكومة هتضيف أكثر من 500 ميجاوات جديدة علي الشبكة الموحدة للكهرباء من محطة رأس غارب لطاقو الرياح باستثمارات وصلت لأكثر من 700 مليون دولار، والطاقة الجديدة اللي هتنتجها المحطة هتكون كافية لإنارة اكثر من 750 الف بيت في مصر .

محطة رأس غارب مش هتكون المحطة الاولي ولا الأخيرة اللي الحكومة شغالة عليها علشان توفر استيراد الغاز الطبيعي من الخارج خصوصا أن الحكومة خلال 2024 اعتمدت ميزانية كبيرة جدا علشان تستورد كميات كبيرة من الغاز الطبيعي والمازوت اللي محطات توليد الكهرباء بتحتاجهم علشان تفضل شغالة علي مدار الساعة لإنتاج الطاقة الكهربائية اللي الناس والمصانع والشركات بتحتاجهم علشان تفضل شغالة طوال اليوم وتنور للناس.