لو بتحلم تمتلك شقة، بس بأسعار مناسبة وتقسيط مريح، يبقى لازم تركز معايا في مبادرة سكن لكل المصريين 7 اللي الدولة عملتها علشان تساعد الناس على السكن الآدمي وبأقل مقدم وأطول فترة سداد.. بس إيه شروط التقديم؟.. وليه الدولة عاملة المقدم 50 ألف جنيه بس؟.. وهل المساحات مناسبة للسكن ولا صغيرة؟..
مبادرة "سكن لكل المصريين 7"، دي عملتها الدولة متمثلة في وزارة الإسكان، بالتعاون مع صندوق الإسكان الاجتماعي، وبتوفر شقق كاملة التشطيب بأسعار مناسبة، في مناطق مختلفة بالجمهورية، وبتستهدف محدودي ومتوسطي الدخل.
وزارة الإسكان عاملة مبادرات إسكان اجتماعي ومتوسط، وبتوفر شقق جديدة في مدن كتير حوالين مصر، زي أكتوبر، العبور الجديدة، حدائق العاصمة، بدر، العاشر، أسيوط الجديدة، سوهاج الجديدة… وغيرهم.
بس ميعاد التقديم هيكون امتى؟
التقديم في الشقق الجديدة، فتح من يوم 8 يوليو الماضي، وهيفضل التقديم لحجز الوحدات السكنية لحد يوم 7 أغسطس 2025.
طيب إيه حكاية مقدم الـ50 ألف باكو؟
على طريق المصريين دايما نسمي الألف جنيه "باكو"، لأن الناس مبسوطة بمقدم الشقق البسيط اللي أي حد يقدر يدفعه، وده اللي عملته الدولة لمحدودي الدخل واللي هياخدوا الشقق بفايدة 8% سنويا، أما بقى متوسطي الدخل هياخدوا الشقق بفايدة 12% سنويا هتوصل لـ20 سنة، وده بمقدم 100 ألف جنيه.
طيب إيه الشروط عشان تقدر تاخد شقة في المبادرة؟
الحد الأقصى لصافي الدخل للمتقدم لمنخفضي الدخل سنويا، لازم يكون 144 ألف جنيه، وشهريا لازم يكون 12 ألف جنيه بالنسبة للفرد، و180 ألف جنيه سنويا و15 ألف جنيه شهريا للأسرة.
أما بقى الحد الأقصى لمتوسطي الدخل السنوي 240 ألف جنيه و20 ألف شهريا وبالنسبة للأسرة 300 ألف سنويا و25 ألف جنيه شهريا.
إيه الأماكن اللي هيتم طرح فيها الشقق؟
الناس بدأت تسأل هي الشقق دي أماكنها، واللي هتكون في مدن اﻟﻌﺑور اﻟﺟديدة، واﻟﻌﺎﺷر من رمضان، وﺣداﺋﻖ اﻟﻌﺎﺻﻣﺔ، و15 مايو، وأخميم الجديدة، وأﺳوان اﻟﺟديدة، وأكتوبر الجديدة، والسادات، وبدر، وطيبة، وبرج العرب، وسوهاج الجديدة، وقنا الجديدة، والمنيا الجديدة.
كمان هيتضمن الطرح وحدات سكنية بعدد من المراكز بمحافظات، أسوان، وأسيوط، والأقصر، والجيزة، والفيوم، والمنيا، والمنوفية، وسوهاج، وقنا، ودمياط، والبحر الأحمر، والدقهلية، والوادي الجديد، ومطروح، والبحيرة، واللي هتكون بمساحات ما بين 75 متر و90 متر.
طيب إزاي أقدم في الشقق دي؟
الخطوات مفيش أسهل منها ومفيهاش أي تعقيد، وهي أول حاجة هتدخل على موقع صندوق الإسكان الاجتماعي وهتسجل بياناتك كويس وتعمل حساب خاص بيك على الموقع، وبعد كده بترفع المستندات المطلوبة "أونلاين" واللي منها صورة بطاقة الرقم القومي وتكون سارية وإثبات دخل: سواء مفردات مرتب أو بيان معاش وإيصال مرافق حديث "كهربا أو ميه أو غاز"، كمان بترفع أوراق بتثبت حالتك الاجتماعية، زي عقد جواز أو طلاق، وبعد كده بتروح أي مكتب بريد مميكن وتدفع مبلغ جدية الحجز "المبلغ بيتحدد حسب الشقة اللي بتختارها"، وأخيرا بتتابع نتيجة الفرز على الموقع، ولو اتقبلت، بتبدأ بعدها إجراءات التمويل العقاري والتقسيط على راحتك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
