مدينة جديدة تتحول إلى قلعة صناعية وتستقبل استثمارات بريطانية.. شوف التفاصيل - غاية السعودية

غاية السعودية يكتُب.. يا ترى إيه قصة المدينة المصرية اللي بقت حديث الناس والمستثمرين، وإزاي اتحولت من مجرد مدينة صناعية عادية لقلعة بتفتح ذراعيها للاستثمارات البريطانية؟

في الحقيقة، فعلا في مدينة بقت حديث الناس والمستثمرين، واتحولت من مجرد مدينة صناعية عادية لقلعة بتفتح ذراعيه، وهي  العاشر من رمضان، واللي النهارده بقت واحدة من أكبر المناطق الصناعية في مصر.

والعاشر بتضم حوالة 6 آلاف مصنع شغالة في كل القطاعات، بدايو من الصناعات المعدنية والهندسية، لحد الغذاء والمنسوجات ومواد البناء.

" frameborder="0" title="مدينة جديدة تتحول إلى قلعة صناعية وتستقبل استثمارات بريطانية شوف التفاصيل">

واللي قال الكلام ده هو الدكتور سمير عارف، رئيس جمعية مستثمري العاشر، واللي كشف كمان إن صادرات المدينة لوحدها بتمثل ثلث صادرات مصر غير البترولية، يعني فعلا بقت "الماكينة الصناعية" للبلد.

طب إيه الجديد؟
الجديد بقى، هو زيارة وفد رسمي من السفارة البريطانية بالقاهرة، وجم عشان يشوفوا بعينهم الفرص اللى العاشر بتقدمها،  وده تمهيدا لتوقيع بروتوكول تعاون بين الجمعية والسفارة البريطانية، عشان يزودوا التجارة والاستثمار بين مصر وبريطانيا.

يعني إحنا مش بنتكلم عن زيارة بروتوكولية والسلام، لأ دي شراكة حقيقية جاية في الطريق،ومشروعات مشتركة ممكن تفتح سوق جديد للمنتجات المصرية في بريطانيا.

كمان، الدكتور محيي حافظ، نائب رئيس الجمعية، وضح إن الدولة شغالة على تهيئة الجو للمستثمرين، وإنه دلوقتي فيه منصة رقمية اسمها "مصر الصناعية الرقمية"، وأي حد يقدر يستخدمها عشان يشوف الأراضي الصناعية المتاحة، ويتقدم لحجزها أونلاين، وده كله بيأكد إن الشفافية والفرص بقت متاحة لكل الناس مش لمجموعة معينة.

والوفد البريطان قال ان الهدف من الزيارة هو استكشاف فرص التصدير والصناعة، ومصر بقت مركز صناعي موثوق في المنطقة، ووصف الزيارة بأنها خطوة عملية لتعزيز التكامل الاقتصادي بين البلدين.

ولو رجعنا لورا شوية، ففي سنة 2024، حجم التبادل التجاري بين البلدين وصل ل 4.7 مليار جنيه إسترليني، وده رقم ضخم وممكن يزيد بعد البروتوكول الجديد اللي هيتم توقيعه قريب.

والخلاصة، هي إن مدينة العاشر مش بس مدينة صناعي، دي بقت رمز للنهضة الصناعية المصرية، وفي اهتمام دولي واستثمارات جاية من بريطانيا، والدولة دلوقتي بتشتغل على الأرض لتسهيل كل حاجة للمستثمر، من أول الأرض لحد الإجراءات.