مصر تنقل تجربة الصين في الملابس.. 7 شركات تغير خريطة الصناعة - غاية السعودية
غاية السعودية يكتُب.. هل فعلا نقدر نكرر تجربة الصين في الملابس؟.. إيه الفرق بين سلاسل الإنتاج الصينية واللي عندنا دلوقتي في مصر؟.. هل الصنايعية والعمال المصريين هيستفيدوا من التجربة دي؟.
في خطوة مهمة لتطوير صناعة الملابس في مصر، الحكومة أعلنت إنها بدأت تنقل تجربة سلاسل الإنتاج الصينية اللي خلت الصين واحدة من أكبر وأقوى الدول في الصناعة دي على مستوى العالم.
يعني إيه الكلام ده؟ يعني مصر بتتعلم من الصين إزاي تعمل منظومة متكاملة لصناعة الملابس، من أول القماش والخامات، لحد التصنيع والتغليف والتصدير، كل ده في مكان واحد، وبتكنولوجيا حديثة وكفاءة عالية.
الهدف من الخطوة دي إيه؟
إننا نقدر ننافس عالميًا، نزود الصادرات، ونوفر فرص شغل كتير جدًا للشباب في مصانع حديثة تشتغل بكفاءة وجودة عالية، واللي بيأكد الكلام ده إن في شركات صينية كبيرة بدأت فعلاً تشتغل في مصر وتفتح مصانع في مناطق صناعية زي العاشر من رمضان ومدينة السادات والمنطقة الاقتصادية لقناة السويس.
والحلو كمان؟ إن ده هيقلل الاستيراد، ويوفر عملة صعبة، وكمان هيخلي المنتج المصري يقدر ينافس في أوروبا وأفريقيا وأسواق كتير حوالينا.
الخطة ببساطة، هي نقل تجربة الصين الناجحة جدا في مجال صناع الملابس، وده هيخلي الإنتاج أسرعوأرخص وجوجدته عالية، عشان كده، حسام هيبة، رئيس هيئة الاستثمار، سافر وقابل ممثلين من 7 شركات صينية ضخمة شغالة في المنسوجات والملابس، زي نانجينغ ليتون لتكنولوجيا المنسوجات، وتشينغداو جينتشوان للملابس، وقوانغتشو ييشينغ للمنسوجات، وشيامن تشوتشنغ للتجارة والتصنيع الذكي، وشركات تانية متخصصة في الصناعة والتكنولوجيا والتوريد والتسويق.
حسام هيبة قال إن في طلب متزايد من الشركات الصينية عشان تستثمر في مصر، خصوصًا في قطاع المنسوجات، وده لأن مصر بتجهز البنية التحتية كويس، وبتقدّم تسهيلات كتير جدًا للمستثمرين.
وعلشان نبدأ على طول، الحكومة بتجهز 4 مناطق علشان تستقبل الاستثمارات دي، وهي المنطقة الاقتصادية لقناة السويس والمنيا والفيوم ومدينة السادات، وده معناه إنك ممكن قريب تشوف مصانع ضخمة شغالة بأحدث تكنولوجيا، بتصدر بره، وبتشغل شباب كتير جوه مصر.
كمان الحكومة بتقدم حوافز كبيرة للمستثمرين، زي إعفاءات ضريبية، ومناطق حرة، واتفاقيات عالمية بتسهل تصدير المنتج المصري لأسواق فيها أكتر من 3 مليار مستهلك
الخلاصة، أن مصر بتاخد خطوات بجد عشان تبقى مركز إقليمي لصناعة الملابس الجاهزة، وبتستفيد من خبرات الصين عشان تعمل طفرة في القطاع ده.
كُنا قد تحدثنا في خبر مصر تنقل تجربة الصين في الملابس.. 7 شركات تغير خريطة الصناعة - غاية السعودية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية السعودية الالكتروني.
