وجه أحمد مصطفى "زيزو"، لاعب الأهلي، رسالة عبر حسابه الرسمي على موقع التواصل الاجتماعي "إنستجرام" عبر فيها عن استيائه من حالة التنمر والشتائم والتجاوزات الشخصية التي يتعرض لها البعض في الفترة الأخيرة.
رسالة زيزو
وكتب زيزو في منشور عبر حسابه على إنستجرام: السؤال الوحيد اللي مش عايز يطلع من دماغي ونفسي ألاقي له إجابة! هو بجد لما حد يخوض في عرض الناس ويشتم ويسب ويتنمر، ده بيعود عليه بإيه؟.
وأضاف نجم الأهلي: هل بيرجع يلاقي بيته اتغير؟ هل بيلاقي العربية اللي نفسه يركبها؟ هل أولاده وصلوا للمكانة اللي بيحلم بيها؟ هل أبوه وأمه عايشين في اللي يستحقوه؟ مش قادر أستوعب بجد".
وتابع: يعني الشخص اللي بتتنمر عليه ده، هل بقى أقل منك؟ مش شغال نفس الشغلانة؟ مش عايش في بيت زيك؟ مش بيحاول يجيب عربية زيك؟ حياتكم اتغيرت بعد ما شتمتوه؟ الإجابة: لا.
وشدد زيزو على أن مثل هذه الأفعال لا تُثمر إلا عن الذنوب، دون أي فائدة ملموسة، قائلًا:" كل اللي بتعمله إنك بتزود من ذنوبك، ويمكن ربنا ما يوفقكش إنك تمسحها، وفوق كده مفيش حاجة بتتغير على أرض الواقع.
واختتم زيزو رسالته بكلمات مؤثرة: فكر كويس، مفيش حاجة مستاهلة، ورزقك مكتوب، لكن أنت اللي بتختار الطريق اللي بيوصلك ليه. خليك دايمًا على الطريق الصح وافتكر إنها مش دايمة لحد. صباحكم جميل".
زيزو يتقدم بشكوى ضد الزمالك
تقدم أحمد مصطفى زيزو، لاعب الزمالك السابق والأهلى الحالى، بشكوى رسمية إلى لجنة شؤون اللاعبين بالاتحاد المصري لكرة القدم، طالب فيها بالحصول على مستحقاته المتأخرة.
وأوضح اللاعب في الشكوى، التي تقدم بها المحامي أشرف عبد العزيز، أن عقده مع الزمالك كان يمتد لثلاثة مواسم من 2022 /2023 وحتى نهاية 2024/ 2025، إلا أن النادي لم يلتزم بسداد دفعات العقد المتفق عليها.
وطالب محامى زيزو فى شكواه إلى اتحاد الكرة بحصول اللاعب على مكافأة الفوز ببطولة كأس مصر وفقا للائحة الفريق، وأكد أن إجمالي المستحقات المتبقية للاعب تقدر بـ82 مليون وخمسمائة وأثنان ألف وخمسمائة ثلاثة وستون جنيهاً.
