نشر أحمد سيد “زيزو”، نجم النادي الأهلي، رسالة مؤثرة عبر خاصية “الستوري” على حسابه الرسمي بموقع “إنستجرام”، أعرب فيها عن استيائه من موجات الهجوم والتنمر والخوض في الأعراض، متسائلًا عن الجدوى الحقيقية من وراء هذا السلوك.
وكتب زيزو في رسالته:”السؤال الوحيد والأوحد اللي مش عايز يطلع من دماغي ونفسي ألاقي ليه إجابة: هو بجد ما حد يخوض في عرض الناس ويقعد يشتم فيهم ويسب ويتنمر و و و، دا بيعود ولا بيرجع عليه بإيه؟!”
وتابع:”هل بيروح بيته يلاقيه اتغير؟ يلاقي العربية اللي نفسه فيها؟ أولاده في حاجة؟ وصل للمكانة اللي بيحلم بيها؟ أكيد لا. اللي بتخوض في عرضه ده بيصبح بعد شتيمتك نفس الشغل، نفس البيت، نفس الحياة، فـ ليه بتعمل كده؟!”
وأضاف لاعب الأهلي:”أنت بتكبر ذنوبك من غير ما تاخد أي حاجة في المقابل، وبتختار الطريقة اللي يجيلك بيها رزقك.. فخليها دايمًا طريقة كويسة. افتكر إنها مش دايمه، وصباحكم جميل.”
وتأتي رسالة زيزو وسط حالة من الجدل الدائر حول بعض التعليقات السلبية التي تطاله عبر مواقع التواصل الاجتماعي، رغم ما يقدمه من مجهود داخل الملعب والتزام فني واضح مع فريقه.
