"فخور بارتداء التيشيرت الأحمر".. وسام أبو علي يودع الأهلي وجماهيره برسالة حب وتقدير

حرص وسام أبو علي لاعب النادي الأهلي السابق، على وداع جماهير القلعة الحمراء بعد انتقاله لنادي كولومبوس كرو الأمريكي، وقام بتوضيع العديد من الأمور بسبب ما حدث في الفترة الماضية، ويستعرض موقع تحيا مصر التفاصيل.

بيان وسام أبو علي

قال وسام أبو علي في بداية رسالته، جماهير النادي الأهلي العظيمة، جه الوقت لكتابة الرسالة الصعبة دي، أولا، عايز أشكر رئيس النادي الكابتن محمود الخطيب ومجلس الإدارة اللي وقفوا جنبي من اليوم الأول ودعموني دايما في الأوقات الصعبة زي ما في الأوقات الجميلة. 

وتابع وسام أبو علي، الأهلي محظوظ جدًا بهذا الرئيس الرائع اللي بيهتم بمصلحة النادي قبل كل شيء. كان شرفا لي أن أعمل تحت قيادته، وأنا ممتن جدًا على الفرصة اللي حصلت عليها للانضمام لهذا النادي العظيم من سنة ونصف النادي اللي منحني فرصة لأظهر من أنا كشخص، وكلاعب كرة قدم أمام العالم، وأمام ملايين الجماهير الرائعة في الأهلي تعلمت معنى الفوز وشعرت بلذة تحقيق البطولات، وهي مشاعر هتبقي معايا إلى الأبد.

وأكمل وسام أبو علي، أشكر كل اللاعبين والجهاز الفني والمدربين وكل من في النادي اللي قضيت معهم أيام جميلة، وشكرا لكل اللي وقف جنبي وخلاني أحس إني بين عيلتي الروابط والعلاقات دي هتفضل معايا مدى الحياة. 

وأشار وسام أبو علي، عشنا لحظات رائعة وصعبة سواء لكن الشيء اللي مش هنساه أبدًا هو قوتنا لما بنتكاتف في الأوقات الصعبة وأخيرا وليس آخراً والأهم شكرًا لجمهور الأهلي العظيمة، وعارف أن الفترة الأخيرة كانت مليانة بالكلام والقصص وكانت صعبة بيني وبينكم، لكن المهم بالنسبة لي هو أني مقصدتش أبدًا إيذاء علاقتنا، فأنتم سبب سعادتي في كل ثانية لعبتها في هذا النادي العظيم.

واستكمل وسام أبو علي، أنتم اللي شجعتوني عشان أقدم أحسن حاجة عندي في كل ماتش وخلتوني أحس بالفخر قدام عائلتي وشعب فلسطين كاملا، جمهور الأهلي هو صوت النادي وصورته أمام العالم، أنا فخور أنني لعبت قدامكم فخور أني لبست التيشرت الأحمر قدامكم جميعًا وبعتذر إذا صدر مني أي شيء ناحيتكم خلاكم تفكروا فيا بشكل مختلف.

واختتم وسام أبو علي رسالته، شكرا ليكم"، لأنكم دائما كنتم جنبي، وساعدتموني على التطوّر والوصول" الشيء الوحيد اللي أقدر أقوله للي أنا فيه دلوقتي، حقيقي حبيت كل لحظة من حياتي كلاعب في الأهلي، وسنلتقي مجددا.