يا ترى إيه اللي ممكن يحصل لما مصر وبريطانيا يقعدوا على ترابيزة واحدة ويتكلموا بزنس، وإزاي شراكة استثمارية بين البلدين ممكن تفتح أبواب رزق وتخلي الاقتصاد ينتعش؟
في لندن، وتحديدا في مقر المكتب التجاري المصري هناك، اتنظمت مجموعة من اللقاءات الاستثمارية المهمة جدا، نظمها مكتب التمثيل التجاري بقيادة الوزير المفوض "تامر مصطفى"، وبمشاركة قوية من "غادة نور"، مساعدة وزير الاستثمار.
واللقاءات دي جمعت الحكومة المصرية بكبرى الشركات البريطانية الرائدة، وكان الهدف واضح وهو تعزيز التعاون وجلب استثمارات جديدة في مجالات حيوية زينا كده.
يعني إيه المجالات الحيوية؟
يعني مثلا طاقة متجددة وطاقة نظي، وكمان استغلال الطاقة المهدرة اللي كانت بتطير علينا بالساهل،يعني نقل ذكي ومستدام مش بس عربيات لأ ده حلول شاملة وبردو خدمات مالية حديثة وغيرها.
ونقدر نقول، ان الزيارات دي ماجتش صدفة، دي حصلت في نفس توقيت فعالية "يوم مصر" اللي نظمتها بورصة لندن يوم 16 يوليو، وبعدها شاركت "غادة نور" في فعاليات جمعية الأعمال المصرية البريطانية.
وهنا الكلام تقيل، لأن غادة قالت ان الشركات البريطانية عندها ثقة كبيرة في الاقتصاد المصري، وده باين من رغبتهم في توسيع استثماراتهم. وأكدت كمان إن القطاعات اللي بنشتغل عليها بتتماشى مع رؤية مصر 2030، والتزاماتنا تجاه التغير المناخي، وكمان خطتنا لتوطين الصناعة وزيادة التصدير، يعني بنفكر صح ونخطط صح وبنلعب على المدى الطويل.
كمان، المسؤولين البريطانيين قالوا إن مصر أثبتت مرونة اقتصادية قوية جدا، خاصة وسط التحديات الجيوسياسية اللي العالم كله بيعاني منها، وعندهم اهتمام حقيقي بإنشاء مراكز لوجستية في مصر، تكون نقطة انطلاق للتصدير للأسواق العالمية.
وده طبعا عسان مصر مربوطة باتفاقيات دولية كتير جدا، وده بيخلي منها بوابة ذهبية لأي شركة بتدور على توسع، يعني ببساطة لو انت مستثم فمصر بقت عندك أقرب طريق للعالم.
والخلاصة، هي ان اللي حصل في لندن مش مجرد اجتماعات، ذي كانت خطوات مدروسة عشان نجيب استثمارات أجنبية مباشرة، نزود بها النمو وكمان نقلل الفجوة التمويلية ونقدر نوسع دور القطاع الخاص، ده طبعا غير إن الشغل على الاقتصاد الأخضر بقى واضح جدا، وكل ده هيزود التصدير هيفتح شغل جديد ويرفع من مستوى الاقتصاد المصري.
يعني لما نقول "شراكة مصرية - بريطانية"، فنقصد استثمار وتكنولوجي ونقل خبرات وكمان وشغل بيفتح بيوت الناس.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
