أحمد شوبير يهاجم وسام أبو علي.. "النادي الأهلي عمل كل حاجة معاه"

مازال  وسام أبو علي متصدر الترند بعد حالة التمرد التي يعيش فيها في ظل رغبته في الاحتراف الخارجي بالرغم أن عقد مع النادي الأهلي لايزال ساري لمدة موسمين.

أحمد شوبير يهاجم وسام أبو علي

 قال أحمد شوبير في تصريحات إذاعية أمس الثلاثاء: "نقف شوية عند قصة وسام أبوعلي، فيه جيم بيتلعب بين الأهلي ووسام أبوعلي عايز يمشي بكل صراحة اه عايز يمشي، والأهلي عايز وسام يكمل".
وأضاف شوبير: "العرض اللي جه لوسام لغاية دلوقتي أقصى عرض 6 مليون دولار مع نسب من إعادة البيع وده هيدي ناديه السويدي القديم نسب من زيادة البيع يعني لو 6 مليون دولار تخصم مثلا مليون دولار لناديه السويدي، ووسام هياخد من العرض الأمريكي اللي جاي له من نادي كولمبوس مرتب سنوي من 4 إلى 4.5 مليون دولار، فبعيد جدا عن أقصى حاجة هياخدها في الأهلي ومن هنا وسام مصمم على الرحيل".

وتابع شوبير: "وسام مش عايز يسافر فترة الإعداد في تونس واتقال إصابة والنهاردة هيعمل رنين مغناطيسي فاحنا عايزين إدارة الأهلي تقول لنا النهاردة بعد ما يعمل الأشعة هو مصاب ولا لأ، فلو طلع مصاب ماشي إنما لو مكانش مصاب يبقى هتكون إصابة سياسية عشان ما يسافرش،والمؤكد وسام يريد الرحيل والأهلي عايزه يقعد".

تابع:"  الأرقام أصبحت عالية جدًا جدًا بشكل غير عادي، زي وسام أبو علي عقده مستمر مع النادي الأهلي حتى 2029، يعني محدش يتكلم عن النادي هو اللي مجددش للاعب، هو عمل كل حاجة معاها ومحمد رمضان المدير الرياضي السابق عدل عقد اللاعب قبل رحيله".

واختتم شوبير قائلًا:" وجه وسام أبو علي النادي الأهلي وتألق، وأنا من وجهة نظري من أفضل الصفقات اللي اتعملت للكرة المصرية بالنسبة للنادي، ولكن جالوا عروض من أمريكا وقطر، فهو متمسك بالرحيل، وانت كنادي محتاج اللاعب، الموضوع صعب جدًا، على ما تلاقي لاعب تاني يناسبك".

وسام أبو على يغلق حسابه على إنستجرام

وعلى صعيد أخر أغلق الفلسطيني وسام أبو على مهاجم فريق الأهلى صفحته الشخصية بموقع التواصل الاجتماعى إنستجرام عقب هجوم بعض من الجمهور الأحمر عليه بعد تمسكه بالرحيل.

ويأتي هجوم جمهور الأهلي عقب الأنباء التي تتداول حاليا بأن اللاعب يضغط على إدارة النادى الأهلي للرحيل ويرغب في خوض تجربة جديدة وتلقيه بعض العروض أبرزها من الدورى الامريكى.