حلت هبة التركي، أرملة لاعب كرة القدم ابراهيم شيكا ضيفة على برنامج مساء الياسمين، والذي تقدمه الإعلامية ياسمين الخطيب على شاشة قناة الشمس، وذلك لتبريء نفسها من الأزمات التي وقعت عليها بعد وفاة زوجها.
أرملة إبراهيم شيكا تنفي زواجها مرة أخرى
وفي أول تصريح منها نفت زواجها مرة أخرى بعد وفاة ابراهيم شيكا، مشيرة في تصريحات رصدها موقع تحيا مصر أنه لا يربطها أي علاقة بإسلام رضا وأنه كان مجرد صديق مقرب من زوجها وكانوا دائما مع بعض في كل شيء ، موضحة: " انا وخطيبة بندق وشيكا وبندق واسلام كنا صحاب بناكل ونشرب مع بعض.. واكيد جوزي مش هيكون ميت من 6 شهور واتجوز تاني".
وفتحت النيران على سبب مشاكلها مع أسرة ابراهيم شيكا، قائلة: مشكلتي مع أهله مادية وكانوا عايزين يجوزوني لحد من اخواته بس الموضوع مرفوض.. لو فكرت بعد 100 سنة اتجوز بعد ابراهيم مش هيكون أخوه.. حبيب عمري اللي مات عمري في حياتي ما اتجوز بعده.. جرحي من حبيب عمري لسة متبراش.
أرملة ابراهيم شيكا تكشف سبب عدم استخراج جثمانه
وعندما سألتها ياسمين الخطيب "ليه مطلبتيش باستخراج جثة إبراهيم شيكا وتشريحها عشان تبرأي نفسك"، أجابت
أرملة شيكا: "ليه أشيل وذر وأنا متأكدة أنه متوفي بكامل أعضائه، أنا مسبتهوش لاحظة".
واكدت أرملة شيكا: ماليش علاقة بإسلام رضا وعمري ما شيلت فلوس معاه.. لو كان حصل كان هيبان.
واختتمت حديثها: والدة ابراهيم شيكا كانت بتطلع لايف كل يوم تتكلم عليا عشان تاخد منها فلوس وكان بيطلعلها من اللايف حوالي 15 ألف يوميا.
شقيق ابراهيم شيكا يفتح النار على أرملته
وفتح شقيق ابراهيم شيكا النار على ارملته، قائلا: عايزين حق أخويا.. ويوم وفاته أما وصلنا كان متكفن مشوفنهوش والفنانة وفاء عامر كانت هناك، ابن اخويا عملي حظر على الفيسبوك وده بسبب والدته وطلعت مع اسلام لايف تسب فينا.
