أكدت الإعلامية ريهام سعيد أنها لم تتنازل عن القضية المرفوعة ضد كروان مشاكل، مشيرة إلى أن ما قاله بحقها يتجاوز حدود النقد ويمس سمعتها وكرامتها بشكل مباشر، ونرصد فيما يأتي تصريحاتها عن كروان مشاكل بعد الخلافات بينهما.
تفاصيل رد ريهام سعيد على كروان مشاكل
جاء رد الإعلامية ريهام سعيد خلال بث مباشر عبر حسابها الشخصي على فيسبوك رصده موقع تحيا مصر وتحدثت فيه عن الأزمة التي تمر بها حاليًا، وقالت ريهام سعيد في حديثها: "كروان مشاكل قال عني كلام مهين.. اتكلم عني وقال إني بتنقل من راجل لراجل، والكلام ده كله اتقال لي بقصد الإهانة وأنا متأكدة إنه متملي وموجه من حد قاصد يوجعني، وبعدها طلع يعتذر ويقولي: أنا زي ابنك.. بس أولادي أكبر منه فعلًا هو كان فاكر إني هتضايق ووالده بيقول عليا حجة معنديش مشكلة انا 50 سنة ومع ذلك هو ما احترمش ده، أنا مش هقبل إن حد يتطاول عليّ بالشكل ده، ولو اتنازلت عن القضية، يبقى كأني بتنازل عن كرامتي وسمعتي."
ريهام سعيد عن تنازلها عن قضية كروان مشاكل: هصلي استخارة واقرر
وأوضحت ريهام أنها رغم ما تعرضت له من إساءة، فإنها قررت اللجوء إلى صلاة الاستخارة قبل اتخاذ أي قرار نهائي بشأن القضية، قائلة: "أنا مؤمنة إن ربنا شايف ومطلع وفي حاجة اسمها العفو عند المقدرة واستشارت شيخ قالي كده فأنا قررت هصلي استخارة واشوف ربنا هيوجهني لإيه، ولو لقيت في التنازل خير، هعمله، بس أنا لحد دلوقتي مش متنازلة ولو اتنازلت معناه إني اتنازلت عن كرامتي."
وتجدر الإشارة إلى أن المحكمة كانت قد أصدرت حكمًا في أبريل الماضي بمعاقبة التيك توكر المعروف باسم "كروان مشاكل"، بعد اتهامه بـ سب وقذف إعلامية شهيرة، ونشر محتوى خادش للحياء عبر مواقع التواصل الاجتماعي، وقد قضت المحكمة بـ حبسه سنتين، وتغريمه 100 ألف جنيه، مع كفالة مالية قيمتها 10 آلاف جنيه لوقف تنفيذ الحكم مؤقتًا.
ريهام سعيد ترد على المتنمرين
من ناحية أخرى كانت فتحت ريهام سعيد قلبها لتتحدث عن معاناتها النفسية في الآونة الأخيرة، مشيرة إلى أنها تعاني من حالة نفسية صعبة أثرت على شكلها ومظهرها الخارجي. وقالت: "أنا بمر بأزمة مش بسيطة، واللي بيحصل معايا مش مجرد تغير في الشكل.. في ناس بتتنمر وبتقول لي: إنتي غضب ربنا أو شبه الراجل. طب أنا هتحمل ده ليه؟ أنا عارفة إن شكلي اتغير ومش عاجب بعض الناس، بس ده مش بإيدي، بلاش تتابعوني لو مش عاجبكم، لكن متجرحوش فيا، أنا بتكلم للناس اللي عندها قلة ذوق وتربية، مش لجمهوري المحترم اللي بيحبني وواقف جنبي."
