11:42 ص | الخميس 11 سبتمبر 2025
حسام غالي عضو مجلس إدارة الأهلي
أطلق حسام غالي، عضو مجلس إدارة النادي الأهلي، عددًا من التصريحات النارية في برنامج «بودكاست»، .
وقال حسام غالي: «ممكن أكون شايف نفسي رئيس النادي الأهلي، وممكن أحقق طموح الناس اللي شايفاني رئيس النادي الأهلي، وممكن أحققلهم اللي طول عمرهم بيحلموا بيه كنادي ومبادئ النادي وشخصية النادي وكيان النادي، عشان أنا حافظه وعارفه كويس أوي ومتربي على المبادئ».
حسام غالي: لما دخلت الإدارة شوفت الدنيا على حقيقتها
وأضاف: «لما دخلت الإدارة شوفت الدنيا على حقيقتها مش من بعيد زي ما كنت بلعب كورة، دلوقتي شايف الموضوع بوضوح أكتر وبحس إني مش قادر أمسك سيف ودرع وأدخل المعركة دي حاليًا».
وأوضح: «طول عمري ماسك سيف ودرع من وأنا صغير لحد ما بطلت كورة، أنا كنت بحارب الناس كلها إعلاميين وجمهور ومدير فني مش واثق فيا، دايمًا كنت ماسك سيف ودرع وبحارب، ومخدتش استراحة المحارب، لأن بعد اعتزالي دخلت في العمل الإداري».
حسام غالي: عندي رغبة أبقى رئيس الأهلي
وتابع حسام غالي: «عندي الرغبة أبقى رئيس الأهلي في يوم من الأيام، بس حاليًا مش قادر أمسك سيف ودرع وأدخل المعركة دي بعد ما شوفت وحاشة الموضوع وضخامة الموقف وتكالب بني آدمين كتير وصراعات كبيرة أوي إن هي تبقى في الحتة دي وعندها تطلعات أو عندها غرض تدي للشخص اللي الجمهور شايف أنه ممكن يبقى رئيس النادي ويحقق طموحاتهم، تديله بالكتف أو بخنجر».
وواصل: «البعض يحاول تشويه صورتي لأن الجمهور شايف إني ممكن أبقى رئيس النادي الأهلي، أو يخلوا الانطباع اللي متاخد عني غلط (انتوا بتفكروا غلط ده مينفعش)».
وأردف: «دايمًا في خناجر في الضهر بتتحط، أنا أقدر أحارب جدًا، بس هطلع حاجات سيئة جدًا، أنا مبعملش كده وعمري ما هحارب حروب غير شريفة وغير نزيهة، أنا دايمًا حربي شريفة وش في وش، أنا بمجهودي وعرقي هاخد اللي أنا عايزه.. طبعًا عندي الرغبة وعندي الحلم وعايز أحقق طموح الجمهور هو اللي شايفيني في الحتة دي، لكن حاليًا مش قادر أمسك سيف ودرع».
حسام غالي يكشف عن أول قرار حال أصبح رئيسًا للأهلي
وتحدث غالي عن رؤيته للمستقبل: «إذا توليت رئاسة النادي الأهلي يومًا ما، أول قرار سأتخذه هو اختيار من يمتلكون شخصية الأهلي الحقيقية؛ ولديهم روح الانتماء، إنكار الذات، الطموح، والرغبة في العمل الجماعي».
وتابع: «أنا أُقدّر الشخصية القوية، لكن بشرط ألا تكون متسلقة أو فردية، الأهلي نادٍ بُني على الجماعية وروح الفريق، وهذه القيم كانت حاضرة بقوة في فترات سابقة وأتمنى استعادتها مجددًا».
حسام غالي: عبد الله السعيد محترف داخل وخارج الملعب
وبسؤاله عن عبدالله السعيد، أوضح: ««كنت أتمنى أن يُنهي عبد الله السعيد مسيرته داخل الأهلي، هو لاعب محترف من الطراز الرفيع، ومن القلائل الذين يعتنون بأنفسهم داخل وخارج الملعب، سواء في نظام الأكل أو التمرين أو أسلوب الحياة عمومًا».
وتابع: «عبد الله السعيد لم يُحدث أي أزمات داخل النادي، وكان من أكثر اللاعبين التزامًا وهدوءًا، كنت أرتاح كثيرًا باللعب إلى جانبه، وكنت أتمنى أن يبقى ويُكمل مشواره في الأهلي، لكن للأسف بعض الأمور حالت دون ذلك».
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
