مشروع صناعي جديد ممكن يغير خريطة الصناعة في العالم. والمفاجأة مش في الصين ولا أمريكا.. ده في قلب مصر، وبشراكة مع واحدة من أكبر الشركات في العالم.
مشروع بـ3 مليار دولار علشان ننتج الخامة الأساسية لصناعة الألومنيوم.. إيه تفاصيل المشروع ده؟.. وليه الوقت ده بالذات؟.. وإيه العوائد بتاتعته.
مصر للألومنيوم وألبا البحرينية مشايين في طريق مش عادي، استثمار ضخم بحجم 3 مليار دولار لمشروع تكرير الألومينا في مصر.
مذكرة التفاهم التي وقعتها مصر الأسبوع للتعاون مع "ألبا" بتستهدف تقييم جدوى بناء المصنع وده في إطار استراتيجية الدولة للتنمية الصناعية المتكاملة وتوطين الصناعة، وخطة الشركة الطموحة لإعادة التأهيل الذاتي. وأهمية المشروع جاية أنه استثمار وتعاون بين اتنين من أكبر الشركات على مستوى العالم.
" title="مشروع بـ3 مليار دولار هيغير مستقبل الصناعة في مصر إيه الحكاية؟" frameborder="0">
إحنا عندنا شركة مصر للألومنيوم، قاعدة في صعيد مصر، أكبر مصنع للألومنيوم في العالم العربي، بطاقة إنتاجية ضخمة أكتر من 320 طن سنويًا، وهي متخصصة في إنتاج الألومنيوم الخام والنصف مشكل للبيع محليًا وخارجيًّا.
أما ألبا في البحرين، فبتمتلك أكبر مصنع للألمنيوم خارج الصين عملاق، إنتاجها وصل لـ1.62 مليون طن في سنة 2024، وده بيخليها من أكبر المنتجين في العالم.
في منتدى الأعمال المصري البحريني، الأسبوع اللي فات تم التوقيع على مذكرتي تفاهم من أصل 22 اتفاق، واحد منهم بين مصر للألومنيوم وألبا علشان يعملوا دراسة جدوى لبناء مصنع تكرير ألومينا في مصر، المادة الخامة الأساسية للألومنيوم، باستثمارات مبدئية حوالي 3 مليارات دولار.. والملفت، إن مصر والبحرين اتفقوا على مشاريع تانية مشتركة تزيد قيمتها عن 600 مليون دولار ضمن نفس الفعالية.
ليه الموضوع ده مهم؟
أولًا: لأننا بندخل في سلسلة الإنتاج من أولها من خام الألومينا في مصر بدل ما نستوردها،. ودي خطوة ضخمة لتوطين الصناعة.
ثانيًا: الدفع لاقتصادات البلدين سوا وخلق فرص شغل وحركة صناعية" وكمان، ألبا مش شركة صغيرة، هي من أكبر المنتجين الأفراد في السوق العالمية، وده بيضمن خبرة وتكنولوجيا نقدر نستفيد منها جدًا.
الصفقة دي جاية والاقتصاد المصري بيهدف للتنمية الصناعية وخلق قيمة داخلية قوية، فالبحرين عندها ألبا، اللي مش بس منتجة، لكنها كمان عندها مشروعات للاستدامة، وزي منتجات الألومنيوم المنخفض الكربون وحلول الطاقة النظيفة
يعني ببساطة كده، المشروع ده مش مجرد استثمار، دي خطوة استراتيجية كبيرة ممكن تغير قواعد اللعبة في صناعة الألومنيوم في المنطقة. ومصر عندها البنية الأساسية والخبرة، والبحرين عندها التكنولوجيا والخبرة التشغيلية... والنتيجة؟ شراكة صناعية عالمية بكل المقاييس.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
