شهدت الساعات الماضية جدلًا واسعًا على الساحة الكروية المصرية، بعد رد قوي من نجم الكرة المصرية السابق أحمد حسن على تصريحات الإعلامي أحمد شوبير، التي أدلى بها عبر شاشة قناة الأهلي بشأن مواقف وتصريحات بعض المسؤولين في اتحاد الكرة.
بداية الأزمة بين الصقر وشوبير
كان شوبير قد وجه خلال برنامجه رسالة غير مباشرة، قال فيها: «مفيش داعي إن حد يطلع يقول كلمة على حسام حسن وإبراهيم حسن ويغلس عليهم، المفروض المسؤولين هما أكتر ناس تساند. إيه الاستفادة يعني؟.. في اتحاد الكرة منظومة بتحاسب اللاعبين لما يغلطوا. حتى لو الكلام كان هزار، فهو مش وقته. إحنا في أسبوع مهم وممكن نوصل فيه لكأس العالم، وكان ممكن نخلي الكلمة دي بعد الإنجاز مش دلوقتي. خلونا نحب بعض شوية والحاجات الصغيرة دي متبقاش ما بينا».
رد أحمد حسن عبر "فيس بوك"
لم يتأخر رد أحمد حسن، إذ نشر تدوينة مطولة عبر صفحته الرسمية على موقع فيس بوك، قال فيها: «الكابتن شوبير طالع يدينا نصيحة على الهواء، وردي هيكون برضه على الهواء. لو حابب تتطوع بالنصيحة فأكيد رقم تليفوني معاك وأرقام المحترمين في اتحاد الكرة كمان، ولو النصيحة صادقة ولوجه الله أكيد هنتقبلها ونشكرك. لكن طول ما الكلام على الهواء فالرد لازم يكون هنا على الهواء».
وأضاف: «لمعلوماتك أنا بعمل مدير لمنتخب مصر المشارك في البطولة العربية، وده بتكليف رسمي ومتطوعًا من غير أجر، في محاولة لرد الجميل للمكان اللي صنع اسمي وتاريخي. بالنسبة للهزار اللي بيني وبين عصام الحضري، ده أمر معتاد من سنين والكل شايفه، ومشفتكش يا كابتن كبير بتعترض أو تنصح قبل كده. لكن واضح إن في دوافع قوية وسبب واضح وراء اعتراضك المرة دي».
وتابع: «كابتن اهدى شوية، ونصيحتي ليك ركز في شغلك، ووفر نصايحك لحاجات أهم، لأننا مش ناقصين فتن وخناقات جديدة. كفاية اللي بيحصل كل يوم، وأنت سيد العارفين».
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
