في برنامج جديد للاقتصاد المصري هيبدا العمل بيه خلال قريبة قوي .. ياتري اية تفاصيل البرنامج ده .. وآية مستهدفات الدولة منه.. وامتي البرنامج ده هيقر العمل بيه.. وآية اثاره الاقتصادية علي المواطن المصري.
مع بداية فترة تأسيس الجمهورية الجديدة واللي الدولة بدأت فيها تبني برنامج اقتصادي واعد قادر علي مواجهة كل التحديات الخارجية وكمان يكون قادر علي مواجهة الصدمات الخارجية خصوصا أن البرنامج الاقتصادي المصري اللي كان بيتم العمل بيه علي مدار السنين اللي فاتت كانت معتمد علي مصدر أو مصدرين للدخل الدولاري مع اول تحدي حقيقي خارجي للاسف الاقتصاد المصري كأنه بيواجه شبح الكساد.
البرنامج الاقتصادي الجديد لمصر واللي بيتم التعاون فيهومع صندوق النقد الدولي واللي أول بند فيه هو تعظيم إيرادات الدولة من مصادر الدخل الدولاري ، واللي الهدف منه هو تحويل كل القطاعات في الدولة المصرية الي مصادر دخل دولاري ويكون لها إيرادات في الناتج القومي.
طيب اية حكاية البرنامج الاقتصادي الجديد اللي الدولة هتبدا تطبيقه؟.
من كام يوم كان في تصريحات مهمة جدا للدكتور مصطفى مدبولي رئيس مجلس الوزراء واللي اتكلم فيه وقال إن الحكومة بصدد الانتهاء من رؤية اقتصادية جديد لما بعد اتفاق صندوق النقد الدولي والرؤية دي هيتم عرضها على مجلس الوزراء الأسبوع اللي جاي وهيتم إطلاقها في بداية سبتمبر 2025، ودي جاي اي إطار رؤية مصر 2030 واستراتيجيات قطاعية ومخرجات الحوار الوطني .
الرؤية الجديدة للاقتصاد المصري الهدف الأساسي منها هو تعزيز الاحتياطي النقدي وخفض الدين المحلي والأجنبي، وجذب استثمارات أجنبية مباشرة وتحقيق نمو اقتصادي مرتفع وخفض التضخم وتوفير فرص عمل وتوسيع برامج الحماية الاجتماعية واستمرار تخفيض الاتفاق العام ورفع سقف الاستثمارات، وهيام إنشاء لجنة تضم كل الجهات المعنية تحت إشراف مباشر من رئيس الوزراء لمتابعة انضباط الإنفاق وضمان حسن تنفيذه، ده غير أنها بتهدف لانشاء حزمة حماية اجتماعية إضافية بقيمة 180 مليار جنيه للسنة المالية الحالية لتعويض تأثير الإصلاحات على الفئات الأكثر تضررا .
الرؤية الاقتصادية الجديدة هتبيني علي اللي حققته الدولة خلال السنين اللي فاتت خصوصا اننا حققنا نجاحات كتيرة في أغلب القطاعات زي قطاع الاتصالات وتكنولوجيا المعلومات. اللي حقق نمو بنسبة 12.2 %، والسياحة اللي حققت نمو بنسبة 8.2 %، وقطاع الكهرباء اللي حقق نمو بنسبة 7.4 %، وقطاع النقل والتخزين واللي حقق نسبة نمو وصلت لـ 15.6 %، والخدمات الاجتماعية واللي بتشمل الصحة والتعليم واللي حققت نسبة نمو وصلت لـ 4.5 %، وقطاع الزراعة اللي حقق نسبة نمو وصلت لـ 2.65 %.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
