منصات بانكير قدمت النهاردة عدد من التقارير والتحليلات الخاصة في الشأن الاقتصادي والمالي المصري، البداية بتقرير عن أسرار قرارات البنك المركزي بخفض أسعار الفائدة.
قال التقرير، إن أسباب قيام البنك المركزي بخفض سعر الفايدة 2%، أولها تراجع التضخم السنوي من14.9% في يونيو إلى 13.9% في يوليو 2025، ده غير أن التضخم الشهري تراجع بالسالب، ده بيدل علي استمرار مسار الانخفاض.
وأضاف التقرير، أن السبب التاني هو التعافي المستمر في الناتج المحلي الإجمالي بمعدل إيجابي خصوصا الأرقام اللي حققها الاقتصاد المصري في الربع الثاني من 2025، وده بدعم كبير من قطاعات الصناعة غير البترولية والسياحة، ده غير التوقعات اللي موجودة عن التحسن في خفض معدلات التضخم خلال الوقت اللي جاي خصوصا في ظل تطبيق سياسة مالية متوازنة من جانب الحكومة .
وأوضح تقرير بانكير، أن السبب التالت اللي خلى البنك المركزي خفّض سعر الفايدة، هو النزول المستمر في الأسعار في السوق المصري، وده كان حافز مهم جدا للبنك المركزي علشان يأخذ القرار ده خصوصا أن البنك بيشوف إن مفيش داعي يفضل محافظ على الفائدة العالية، وهنا بياخذ قرار أن يقللها علشان يشجع الناس والشركات على الاقتراض والاستثمار، ده غير أن البنك المركزي عايز يشجع الاقتصاد خصوصا ان الفايدة لما تبقى عالية، فالناس بتسيب فلوسها في البنوك ومبتصرفش كتير، فبيقل الطلب في السوق، لكن لو الفايدة انخفضت، الاقتراض بيزيد والناس بتصرف أكتر، وده بيحرك عجلة الاقتصاد.
منصات بانكير قدمت تقرير مختلف النهاردة عن خطة الحكومة لتحويل مصر لمركز إقليمي لتصنيع مهمات الكهرباء.
أكد التقرير، أن مصر عندها خطة انها تتحول لمركز إقليمي للتبادل التجاري وده مش هيحصل الا في حالة واحدة وهيا وزيادة الإنتاج المحلي وزيادة الصادرات.. لأن فيه نقطة مهمة جدا لازم كلنا نعرفها في موضوع تسعير شرائح الكهرباء وهيا أن نسبة كبيرة من المكونات والمهمات اللي بتدخل في صناعة الكهرباء بتكون بالدولار خصوصا اننا بتستوردها من برا وفي حالة نقصها أو عدم وجودها هيؤدي إلي انقطاع الكهرباء خصوصا ان الحكومة عندها التزام بعدم العودة لقطع الكهرباء وتطبيق تخفيف الاحمال، ده غير الالتزام الحكومي بتوفير التغذية الكهربائية لقطاع الصناعة بشكل مستمر.
وأضاف تقرير بانكير، أن الحكومة عندها التزام بترشيد استهلاك وصرف الدولار، وعلشان كده اخذت خطوات لتوطين الصناعات المرتبطة في قطاع الكهرباء، طيب إزاي الدولة هتوفر المليارات اللي بتصرفها علشان تستورد مهمات الكهرباء؟
وأشار التقرير إلى أن فيه مفاوضات مهمة جدا مع واحدة أكبر الشركات الصينية فى مجالات الطاقة المتجددة خصوصا المجالات المتعلقة بتصنيع الواح الطاقة الشمسية وبطاريات تخزين الطاقة، خصوصا أن الدولة حاليا بكل قطاعاتها وأجهزتها ماشية في طريق دعم الصناعة ونقل وتوطين التكنولوجيا، وزيادة نسبة المكون المحلي فى كل المشروعات خصوصا المشروعات الخاصة بتصنيع المهمات والمعدات الكهربائية وتوطين صناعة الخلايا الشمسية وبطاريات تخزين الطاقة فى مصر
وأوضح التقرير، أن الاتفاقيات اللي الحكومة ناقشتها مع الحكومة تضمنت انشاء مشروعات طاقة شمسية ومحطات تخزين طاقة بتقنية البطاريات خصوصا أن مصر عندها خطة انها تتحول لمركز إقليمي لصناعة المهمات الكهربائية، وهتكون الأفضلية للمنتج المحلي فى تنفيذ مشروعات الاستراتيجية الوطنية للطاقة ودعم وتحديث الشبكة الموحدة على كافة الجهود، ده غير أن مصر عندنا في الوقت الحالي مشروعات الربط مع عدد كبير من الدول.
وحدة أبحاث بانكير قدمت تقرير خاص النهاردة عن خطوات تحقيق الاكتفاء الذاتي من الغاز الطبيعي.
أكد التقرير، أن الغاز الطبيعي واحد من الحاجات اللي الدولة حاطه له رقم كبير جدا في الميزانية المصرية خصوصا أن السوق المحلي عندنا للاسف نقص كبير فيه بسبب التقادم وضعف عمليات التطوير والاكتشافات البترولية الجديدة في مصر خلال الكام سنة اللي فاتوا.
وأضاف تقرير بانكير، أن التكاسل اللي حصل في الفترات اللي فاتت واهمال الاكتشافات البترولية الجديدة هو السبب الرئيسي في النتيجة الموجودة دلوقتي خصوصا أنهم اهملوا التوسع في خطة التوسعات الحكومية دم الاكتشافات البترولية وطده غير أن اعملوا كمان تطوير آبار الغاز الطبيعي اللي كانت موجودة بالفعل موجودة علي خطوط الانتاج.
وأوضح التقرير، أن احنا عندنا عدد من الابار لإنتاج الغاز الطبيعي اهمهم حقل ظهر البحري والدولة حاليا بالتعاون مع شركة إيني الإيطالية عندها هدف لزيادة الإنتاج، ده غير أن الحكومة دشنت عمليات التنمية في حقول نورس" وشمال الإسكندرية، وده دعم الإنتاج بنسبة كبيرة وهيساعد على الوصول إلى الاكتفاء الذاتي.
ومن خطوات الحكومة كمان، أنها شغالة بكل قوتها لزيادة وتوفير كميات الغاز الطبيعي المطلوبة للسوق المصري، وخلال الفترة اللي فاتت الحكومة نجحت في ترتيب وصول وربط سفينتين لتغييز الغاز المسال، بطاقة استيعابية وصلت لـ900 مليون إلى مليار قدم مكعبة يوميا، لضمان تلبية استهلاك الكهرباء، مع خطط لتوسيع دور مصر كمركز إقليمي لتداول الغاز.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
