وجه سيد عبد الحفيظ مدير الكرة السابق للنادي الأهلي، رسائل قوية إلى المدرب الإسباني ريبيرون بعد خسارة الأحمر أمام بيراميدز اليوم 2-0.
تصريحات سيد عبد الحفيظ
قال سيد عبد الحفيظ: “دي واحدة من أسوء بدايات الأهلي في تاريخه، المشكلة مش إنك اتغلبت، المشكلة أن لا ليك شكل ولا روح، هل ممكن ترجع وتكسب الدوري”.
وواصل عبر برنامج الكروة مع فايق: “ممكن لأن عندك عناصر مميزة، بس وأنت بختار لاعيبة لازم تختار أحسن مدرب، مفيش مدرب والراجل مش عارف الفريق أصلا، وبينزل رضا مكان تريزيجيه وهو عايز يكسب”.
وتابع: “الراجل مجاش، وأنا عايز لاعيبة رجالة تاكل النجيلة بغض النظر عن مستواهم، مش لاعيبة بالشكل ده وكام لاعب يقول عايز أعلي فلوسي وده حقي، كسر حقك، إحنا عايزين اللعيبة تبقى رجالة في الملعب لكن اللي بيحصل ده إن هوية الفريق بتضيع”.
سيد عبد الحفيظ
وأكمل: “أنا بختار مدرب لحاجتين ياما الـcv بتاعه قوي جداً ونصبر وتاريخه بيقول، ياما أنا مقتنع به وأقبل التحدي، قول أنا مقتنع، وأنا هبقي معاك وعاوز حد مسؤل يقولي أنا مقتنع بريبييرو ، ولكن بالشكل دا في أول 4 ماتشات بـ 5 نقاط، لحد الآن مفيش مدرب”.
وزاد: “وصلنا لمرحلة إننا مش عارفين هي دي كورة ولا إيه، مش فاهم خالص ، في علامة استفهام كبيرة جداً ، ممكن تاخد الدوري وترجع تاني لأن القدرات موجودة ولكن انت بتختار اللاعبين لازم تختار مدرب أحسن من كدا والأهلي يستحق أحسن من كدا”.
وأتم سيد عبد الحفيظ حديثه: "مفيش حاجه اسمها ريبيرو أصلا هو مش عارف يعمل ايه، ده بيطلع تريزيجيه وبينزل أحمد رضا وأنت عايز تكسب، دا أنا ممكن أغير باك ليفت وأنزل مهاجم يكسبني الماتش".
