هاجم أحمد سيد زيزو لاعب النادي الأهلي بعض الأشخاص بسبب ما يحدث علي وسائل التواصل الاجتماعي من التنمر والإساءة والتجريح والسب والقذف والتنمر على الآخرين، دون أن يعود ذلك عليهم بأي نفع حقيقي في حياتهم.
ونشر زيزو عبر حسابة الرسمي عبر "انستجرام"، وقال: "السؤال الوحيد والأوحد اللي مش عايز يطلع من دماغي و نفسي الاقي لي إجابه ! هو بجد لما حد يخوض في عرض الناس ويقعد يشتم فيهم و يسب ويتنمر و و و دا بيعود ولا بيرجع عليه بايه، هل بيروح البيت بيلاقي بيته اتغير".
وتابع زيزو: "طيب بيبص تحت بيته بيلاقي العربيه اللي نفسه يجيبها ؟ طيب ولاده وصلو للمكانة اللي بيتمناها ؟ طيب عيش ابوه و امه في حاجه يستحقوها، مش قادر استوعب فعلا الموضوع ، بلاش انت".
وأضاف لاعب الأهلي: "هل اللي بتخوض في عرضه دا وبتشتمه وتتنمر عليه بيصحى بعد شتيمتك دي مش شغال نفس الشغلانه؟ معندوش نفس البيت ؟ طب والعربيه ؟ حياتكو يعني اتغيرت ؟ الاجابه لا !! طيب ليه بتعمل كده، عمال تكبر وتكثر في ذنوب، الله اعلم هتعرف تمسحهم ولا لا ومفيش حاجه علي ارض الواقع بتتغير بعد الشتيمه دي كلها !!! مش بتشوف كل الناس اللي فجاءه مبقوش حواليك".
وأختتم زيزو رسالته: "دي مش حاجه تخليك تتعظ ! تخليك تفكر أنا بعمل كده ليه و عشان ايه فكر كويس عشان و الله ما في حاجه مستاهله ، اعرف ان رزقك كده كده ربنا كاتبه لك و انت بتختار الطريقه اللي بيجيلك بيها الرزق فا خليها دايما طريقك کویسه و افتكر دايما انها مش دايمه ، صباحكم جميل".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
