طفلة صغيرة تتصدر محركات البحث بسبب "كيس شيبسى".. وهذا ما فعلته مع مسن في الشارع

خطف مقطع فيديو قصير لطفلة مصرية تدعى هايدي، المعروفة "صغيرة كيس الشيبسي"، أنظار رواد مواقع التواصل الاجتماعي، بعدما ظهرت وهي تقدم آخر ما تملكه من نقود لمساعدة رجل بسيط في الشارع، بدلا من شراء كيس شيبسي.

وقالت هايدي في حديثها عن الواقعة "كان معايا 5 جنيه وكنت رايحة اشتري كيس شيبسي، لكن لما شفت الراجل الغلبان صعب عليا، اديته الفلوس كنت أول مرة أشوفه، وصدفة لقيته في طريقي."

وأضافت "صاحب السوبر ماركت نده عليا وقال لي تعالي خدي كيس تاني، لكن قولت له شكرا علشان مش معايا فلوس الخمسة جنيه مش حاجة كبيرة، وكان نفسي أديله أكتر."

والد الطفلة كشف عن شعوره بعد انتشار الفيديو قائلا" اتفاجئت وأنا بشوف الفيديو والتعليقات، فخور جدا ببنتي هايدي أصغر اخواتها وأكتر واحدة حنينة، وكل يوم لما بتاخد مصروفها مني بتدعيلي ربنا يرزقك قلت لها إن الفلوس اللي اديتيها لربنا، وربنا هيعوضك أضعاف".

وختم حديثه قائلا "بدعي إن كل دعوة الناس دعوها لهايدي تتحقق."

الفيديو حقق تفاعلا واسعا على مواقع التواصل، وتحول الموقف البسيط إلى رسالة قوية عن الرحمة والعطاء من قلب طفلة صغيرة.