خلاص مصر قربت من خط النهائية وأعلنت عن خطة وقف استيراد الغاز الطبيعي من الخارج.. ياتري ده هيحصل أزاي وفاتورة مصر من الاستيراد وصلت لكام.
الفترات اللي فاتت مصر تحملت فاتورة كبيرة جدا لاستيراد الغاز الطبيعي من الخارج لتشغيل محطات توليد الكهرباء وسد النقص المحلي في الإنتاج ده بسبب النقص اللي حصل في الانتاج المحلي خلال السنين اللي فاتت، نتيجة تقادم حقول الانتاج وغياب عمليات التطوير واهمال التنقيب وسداد المستحقات المالية للشركات الاجنبية العاملة في مصر واللي كانت نتيحة شغل قامت بيه الشركات في مصر.
التناقص اللي حصل في مصر والزيادة الكبيرة في الاستهلاك المحلي اضطر الدولة انها تفتج باب الاستيراد من الخارج واللي وصلت حتي الأن لأكثر من 20 مليار دولار وده رقم كبير جدا، كان المفروض يكون متوفر في الناتج القومي المصري.
طيب اية الاسباب اللي خلت فاتورة استيراد الغاز ترتفع للرقم ده؟.
في اكثر من سبب خلي فاتورة مصر الاستيرادية من الغاز الطبيعي ترتفع للرقم ده أولهم التزام الحكومة بعدم قطع الكهرباء في الصيف وتطبيق خطة تخفيف الأحمال وعودة المصانع للعمل بكامل طاقتها الإنتاجية، وده أدى لزيادة استهلاك الغاز، ده غير رغبة مصر في التحول لمركز إقليمي للطاقة وده بيعني زيادة تصدير للغاز المسال للخارج واللي تطلب زيادة استيراد الغاز الخام.
الاسباب دي كلها كانت السبب الرئيسي في زيادة الفجوة بين الإنتاج المحلي والاستهلاك، ود استلزم تعويضها من خلال زيادة الاستيراد، خصوصا أن مصر حاليا مشغلة 3 وحدات تغييز، بعد ما كانت واحدة واحدة، وده كان واحدة من الحاجات اللي ساهمت في تعزيز ضخ الغاز للمصانع ومحطات الكهرباء، ودعم الاستقرار في الإمدادات وقلل انقطاع التيار الكهربائي.
لازم نكون عارفين أن خطة مصر لاستيراد الغاز الطبيعي قايمة علي اكثر من حاجة أولهم الاعتماد علي آليات محددة لشراء الغاز واللي بيكون إما شراء شحنات الغاز المسال من السوق العالمي، أو من خلال التعاقدات طويلة الأجل واللي بتسمح بالحصول على شحنات بأسعار أقل، وده يساهم في تقليل تكلفة الاستيراد إلى حد ما.
لازم نكون عارفين أن مصر حاليا شغالة علشان توصل لتحقيق الاكتفاء الذاتي من الغاز الطبيعي، الا ان مصر هتفضل لحد وقت طويل شوية تستورد الغاز الطبيعي من الخارج وده بسبب الأغراض الاستراتيجية والاقتصادية وده بند مهم جدا في بنود تحيول مصر لمركز إقليمي للطاقة، وتحقيق أفضل عائد اقتصادي للدولة، وحاليا الفجوة اللي موجودة بين الإنتاج والاستهلاك المحلي بيتم تغطيتها من خلال استيراد الغاز من خطوط الأنابيب أو من خلال شحنات الغاز المسال اللي بيتم استيرادها لتغطية الاحتياجات الحالية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
