عاجل| شرب سيجارة حشيش وفقد السيطرة.. مواطن يحذر من سائقي "أوبر" ويستغيث بـ"الداخلية"

حذر مواطن من سائقي شركة أوبر ، بعد تعرضه لموقف كاد أن يؤدي بحياته بسبب فقدان السيطرة من قبل سائق أوبر بعد شربه لسيجارة بها مخدر، مستغيثا بوزارة الداخلية.

وقال صاحب الواقعة، مستعرضا فيديو لغياب السائق عن الوعي ،"  حسبي الله ونعم الوكيل فشركة اوبر انها بقت تشغل اي حد من غير اختبار مخدرات ولا فيش ولا اي حاجه انا بقدم بلاغ لوزارة الداخلية".

وتابع،" أنا كنت راكب مع سائق أوبر، وأثناء الطريق فجأة طلع سيجارة شكلها حشيش أو حاجة شبيهة بيها، وبعد دقائق قليلة ولّعها وهو سايق. بعد ما دخن منها بدأ يفقد وعيه تدريجيًا لحد ما فقد السيطرة تمامًا على العربية".

واستطرد،" العربية كانت ماشية بسرعة 120 كم/س، وأنا في الكرسي جنبُه مش عارف أعمل إيه. في اللحظة دي شيلت المفتاح من الكونتاكت وشيلت رجله من على البنزين بالعافية، ولو ما كنتش عملت كده كان ممكن العربية تتقلب أو يحصل حادث مميت تخيلوا لو اللي كان راكب مكانى  اسرة  او ست وراكبة لوحدها ورا، كانت هتعمل إيه؟

وقال،" الحمد لله ربنا ستر، لكن اللي حصل ده معناه إن حياتنا مهددة وإحنا بنركب أوبر. الموضوع مش مجرد خدمة مواصلات، الموضوع أرواح.. الفيديو اهو  يثبت اللي حصل، واللي عايز يشوفه يفهم قد إيه الموقف كان خطير".

واختتم قائلا،" لازم يبقى في رقابة حقيقية على السائقين اللي بيشتغلوا في التطبيقات دي، لأن أي حد ممكن يلاقي نفسه في نفس الموقف".