أكد بدر حامد رئيس قطاع الناشئين نادي الزمالك، أن عمار ياسر واحد من ابرز المواهب في قطاع ناشئين النادي، ولا توجد أي أزمة معه خلال الفترة الأخيرة، ويستعرض تحيا مصر التفاصيل.
تصريحات بدر حامد عن أزمة عمار ياسر لاعب قطاع الناشئين بنادي الزمالك
وقال حامد في تصريحات مع كريم رمزي عبر برنامج لعبة والتانية على راديو ميجا إف ام:عمار ياسر واحد من اللاعيبة المهمة بالنسبة لنا ونحترمه للغاية وليس لدينا اي أزمات معه .
واضاف: ربما يكون عدم تصعيده للفريق فالأول وراء هذا الاستوري ولكن ليس هناك اي أزمة بخصوص اللاعبً.
واختتم بدر حامد تصريحاته قائلا: سنتواصل مع عمار ياسر لمعرفة احتياجاته وخلال ساعات الأمور ستكون على ما يرام.
عمار ياسر يهاجم مجلس إدارة نادي الزمالك
شن عمار ياسر لاعب نادي الزمالك للناشئين، هجوماً شرساً ضد مجلس إدارة القلعة البيضاء برئاسة حسين لبيب ، وذلك بسبب عدم حصوله على مستحقاته المتأخرة منذ 8 أشهر.
تحيا مصر، وكتب عمار ياسر عبر حسابه الرسمي"إنستجرام": أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده".
وتابع قائلاً:" أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي".
وواصل قائلاً:" وللأسف ولا كأني كنت طالع غضب عن حد، أو واخد مكان حد".
وأردف قائلاً:" من السنة اللي فاتت لحد دلوقتي بيجيلي عروض إعارة وبيع وكلها كانت بترفض من غير ما أعرف مين السبب، من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش، ولما أتكلم حد بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟".
واختتم قائلاً:" بعد كل ده، مطلوب منك تيجي التمرين وتلعب ومتتكلمش، أنا مش بشتكي، أنا بس حبيت أعرف الناس أنا في إيه وبيمر بي إيه."
