تصوير شيماء حيدر -
الثلاثاء، 12 أغسطس 2025 02:16 م 8/12/2025 2:16:07 PMفي واقعة مؤلمة تكشف معاناة بعض المصريين العاملين بالخارج، روى علي، من محافظة الفيوم، قصته عن خيانته من أقرب الناس إليه بعدما قرر يبني مستقبله ويوفر حياة كريمة لأسرته، لكن ضاعت سنوات غربته وتعبه.
قال علي في تصريح خاص لـ"بصراحة": “سافرت واغتربت علشان أوفّر لمراتي وابني عيشة كريمة، استحملت البعد عنهم، وكان كل أملي أرجع ألاقي حاجة أستند عليها”.
علي: بعت لمراتي كل الا فلوس علشان تشتري الشقة لينا
وتابع: “أهل زوجتي قالولي إن في شقة كويسة، وطلبوا أشتريها، بعت اللي قدامي واللي ورايا، وبعتلها كل الفلوس اللي معايا علشان نشتري الشقة ونستقر، كان عندي دهب وبعته، وكان عندي قطعة أرض وبعتها وحولت ليها الفلوس كلها على فترات ومعايا مستندات بداه كله”.
وأضاف علي: “ما شكّيتش فيها لحظة، لأنها مراتي وكنت شايفها أمان، لكن للأسف، خدت الفلوس كلها وصرفتها على أخوها، وحرمتني حتى من شوفة ابني، طلعت الفلوس كلها من البنك علشان أشتري شقة في الدقي في القاهرة، طلبت أكتب الشقة باسمي وانا رفضت، وماكنتش قادر أنزل علشان أكتب الشقة باسمي بسبب شغلي، وحرماني أشوف ابني”.
على: لما جيت اشوف ابني اهل مراتي ضربوني واعتدوا عليه
وقال: “قعدت مع جلسات عرفية علشان آخد حقي، وهي بتنكر أصلاً إنها خدت فلوس مني وبتقولي مافيش فلوس أصلاً، نزلت مالقتهاش في بيتي، وشغلي بيمنعني أنزل بعد سنتين، فلما لاقيت الشقة الحلة قلت أحافظ على الفلوس. جيت بعدها 7 شهور في ود هما معترفين”.
وأضاف: “تصرفت زي أي شاب عادي، خبطت على باب بيتهم علشان آخد ابني ومراتي وأمانتي، بس هما اعتدوا عليا وضربوني ورفضوا يحلوا الموضوع، تعبت بكل الطرق، باجي من شغلي أدور على ابني بس مش لاقيه”.
واختتم علي حديثه قائلاً: “بقيت جسد بلا روحي، ابني مش معايا، فلوسي راحت مني وبيتي فاضي عليه. قاعد بين 4 حيطان لوحدي، ولا استمتعت بحياتي ولا بفلوسي. تعبت من العيشة دي، بقيت عايش في مأساة، ابني في خطر يا ناس، لما جات مراتي ترجع في بيتها أهلها هدّوها بابني إنهم يمتوه لو رجعت ليه، وده كله علشان حابس خاله عشان عايز فلوسي عليه كمية ديون ومش عارف أتحرك”.
