أخبار عاجلة

أهداف الحكومة الاقتصادية من تطوير منطقة وسط البلد والقاهرة التاريخية

أهداف الحكومة الاقتصادية من تطوير منطقة وسط البلد والقاهرة التاريخية
أهداف الحكومة الاقتصادية من تطوير منطقة وسط البلد والقاهرة التاريخية

مصر حاليا بتعمل خطة لزيادة الإيرادات من كل القطاعات، واحدة من القطاعات المهمة اللي الدولة شغالة عليها حاليا هو ملف تطوير القاهرة التاريخية ووسط البلد.. ياتري ازاي الحكومة بتستفاد ازاي من عمليات التطوير دي.. وهل الحكومة هتبيع البلد للاجانب.

من بداية الفترة الرئاسية الجديدة للحكومة، في توجيهات رئاسية صدرت للحكومة بزيادة الإيرادات الدولارية في الناتج القومي، وبناء علي التكليفات دي الحكومة بدأت تدور وتنوع مصادر الدخل الدولاري لمصر من الخارج في كل القطاعات خصوصا أن التجربة اللي كانت الدولة بتعتمد عليها الفترة اللي فاتت بالاعتماد علي مصدر أو اثنين من مصادر الدخل الدولاري للاسف اثبت فشها خصوصا أنه لما حصلت توترات اقتصادية وجيوسياسية جديدة، مصادر الدخل الدولاري لمصر للاسف تكاد تكون توقفت تماما.

طيب اية هيا اهدف الحكومة من تطوير منطقة وسط البلد والقاهرة التاريخية؟.
واحد من الحاجات اللي الحكومة بتشغل عليها حاليا لتعظيم الإيرادات الدولارية هيا تطوير منطقة وسط البلد والقاهرة التاريخية خصوصا ان المنطقة دي مميزة جدا وفيها مباني تاريخية ولها طبيعية خاصة في البناء مش موجودة في اي منطقة في الجمهورية، ده غير أنها هيكون عليها طلب كبير في حال تحويلها لفنادق او مناطق استثمارية، والهدف الاساسي من عمليات التطوير هو الاستفادة المثلي منها اقتصاديا.

واحد من الأهداف المهمة اللي الحكومة شغالة عليها حاليا من عمليات التطوير لمنطقة وسط البلد والقاهرة التاريخية هو الحفاظ على التراث المعماري الفريد، خصوصا أن القاهرة بتضم عدد كبير من العمارات التاريخية اللي بتعود بعضها لأكثر من 100 سنة، وهيتم ترميمها بشكل كبير لإبراز الطراز الأوروبي الكلاسيكي اللي بيميز وسط البلد، وبيتم العمل علي حماية الطابع المعماري من التشويه وإزالة اللافتات العشوائية.

196.jpg

الخطوات دي كلها الحكومة بتستهدف منها تحويل المنطقة لمقصد سياحي وثقافي عالمي من خلال تحويل بعض المباني إلى فنادق بوتيكية ومراكز ثقافية وده بهدف تنشيط السياحة المحلية والعالمية من خلال تنظيم الفعاليات والمعارض، وده غير تحفيز الاستثمار، وتشجيع القطاع الخاص على الاستثمار في المشروعات السياحية والتجارية.

الهدف الأكبر للحكومة من احياء القاهرة التاريخية هو أعادة الحياة إلى قلب القاهرة علشان ترجع كمركز مهم جدا للثقافة والفن والسياحة مع الحفاظ على هويتها التاريخية.

إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق الداخلية تنفي مزاعم إضراب نزلاء وتؤكد: مراكز الإصلاح تلتزم بأعلى المعايير الدولية
التالى أديداس تعتذر عن “الاستيلاء الثقافي” بشأن تصميم حذاء مستوحى من الثقافة المكسيكية