مصر بدأت تحقق المعادلة الصعبة، وزودت صادرتها غير النقطية، وحقق ارقام كانت تعتبر مستحيلة قبل كده.. ياتري اية اللي حققته مصر في ملف الصادرات.. ومصر بتستهدف توصل لكام من الصادرات.
مصر عندها استراتيجية أنها تتحول لمركز اقليمي للتبادل التجاري، وعلشان نوصل للهدف ده لازم يكون عندها صناعة وطنية قوية قادرة علي المنافسة في كل الأسواق الخارجية، وكمان تكون بجودة كبيرة علشان تقدر تنافس المنتجات التانية في الأسواق الخارجية، وكمان يكون عندنا صادرت قوية توصل لكل الأسواق الخارجية، وده اللي الحكومة بتحاول تحققه.
أول خطوات الحكومة في خطة التحول لمركز اقليمي للتبادل التجاري هيا زيادة وتعزيز الصناعة المحلية، وده الحكومة شغالة عليه من خلال توفير كل السلب اللازمة لقطاع الصناعة وتقديم التسهيلات اللازمة لدخول المستثمرين وأصحاب رؤوس الأموال الأجنبية للسوق المصري، والحكومة حققت الخطوة دي من خلال تقديم تسهيلات وتحفيزات لحصول المستثمرين علي الأراضي اللازمة لإقامة المشروعات الإستثمارية والمصانع وغيرها من الشركات، ده غير التسهيلات الموجودة في اجراءات الحصول علي التراخيص اللازمة للبناء والتشغيل واللي حاليا بقت عبارة عن موافقة واحدة اسمها الرخصة الذهبية واللي بقت كافة وشاملة للمستثمرين بدل اللفة الطويلة اللي كانوا بيقوموا بيها في السنين اللي فاتت علشان ياخذوا التصاريح اللازمة للبناء والتشغيل واللي كانت أول وأهم سبب طفش بيه عدد كبير من المستثمرين من السوق المصري.
طيب ايه اللي حققته مصر في مجالات زيادة الصادرات غير النفطية ؟.
التسهيلات الحكومية خلت صادرات مصر غير النفطية ارتفعت بنسبة تقارب 20% في النصف الأول من 2025، وسجلت 25 مليار دولار مقابل 20.9 مليار دولار خلال نفس الفترة من 2024،
قطاع مواد البناء والصناعات المعدنية تصدر قائمة القطاعات الأعلى تصديرا خلال الفترة من يناير لحد نهاية يونيو اللي فاتت وحققت 7.46 مليار دولار، مقابل 4.92 مليار دولار في نفس الفترة من 2024، بنسبة نمو وصلت لـ 51%.
وجه في المركز الثاني لأعلي الصادرات المصري غير النفطية قطاع الصناعات الكيماوية والأسمدة بنسبة بصادرات وصلت قيمتها لـ 4.42 مليار دولار مقابل 4.08 مليار دولار في نفس الفترة من 2024 وبنسبة نمو وصلت لـ8.3%.
قطاع السلع الهندسية والإلكترونية جه في المركز الثالث للصادرات المصرية غير النفطية بقيمة وصلت لـ 3.15 مليار دولار، وبعدها جه قطاع الصناعات الغذائية بصادرات وصلت قيمتها 3.34 مليار دولار وفي المركز الخامس جه قطاع الحاصلات الزراعية بصادرات وصلت قيمتها 2.92 مليار دولار، واخيرا قطاع الملابس الجاهزة المركز السادس واللي وصلت صادراته لـ 1.6 مليار دولار.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
